ROUNDUP

Die vakansie was great en daar was 'n paar plekke wat ek seker is ons weer sal besoek. Ons haat nie een mekaar nie, so all in all was daar geen groot vuurwerke nie (maak nie saak hoe A2 dit laat klink nie).

Ek het 'n totaal van 2750 km afgelê (die ander 2 het elk so 'n bietjie minder met A2 die minste). Dit het ons omtrent so 174.4 L petrol geneem. Let wel; Bloemfontein se petrol kos 'n fortuin en Grahamstown is die goedkoopste. Dis 'n verskil van 19 c!

Ons het net heeltemal te veel musiek saam geneem. Ek dink ons het nie eers halfpad gekom nie.

Andersins, great trip!

Bo is 'n panorama van Oos-Londen.

A1 uit.

DAG 7 (Finale gedagtes)

Is terug by die huis!!  Na 'n great vakansie!

Vandag was weer baie pret oppad huistoe en ek dink ons al drie het op 'n stadium amper aan die slaap geraak in die kar, die drywer (A1) ingesluit!! :)  Ek weet ek kon nie meer my oë oop hou so 30 km voor Alberton nie en het myself baie kere gestop waar ek amper omgeval het op A1terwyl sy bestuur het!!

A2 hoor net nie die verskeidenheid in my musiek nie want hy is nie lus om dit te hoor nie en is net effe hardkoppig as dit by musiek kom :)

Maar ja ek dink ons drie kan ook maar die Baz Bus trip aanpak!! Dit sal goed werk.

Die vriendelike tannie by ons Gariep verblyf was so gaaf oms ons elkeen R60 afslag te gee op die verblyf en dit het toe net R100 p.p. gekos.  Syt gesê dit was studente afslag maar ek dink sy het maar net baie van my gehou!! Ja want ek is maar awesome en het so 'n effek op tannies!... Ongelukkig net op tannies! LOL

Die res van die pad was maar soos enige pad en ek was baie teleurgesteld in my Wimpy middagete, so crappy chicken wrap wat basies net blaarslaai bevat! Ek moes eerder 'n hamburger vat!!

Maar ja die vakansie was great en ons het vreeslik baie gesien in 'n baie kort tydjie!! En daar gaan verseker een of ander tyd 'n volle kus BAZ BUS toer wees vanaf Pretoria na Kaapstad!!

Tot dan en COOL BEANS!!! ;)
A3

DAG 7 (The End)

Notes on today:
Vandag die einde van ons trippie gewees. Die lang pad terug Gauteng toe aangedurf.

Eers by die Gariep Dam gestop en toe deur gery Gauteng toe. Was dit nou nogal 'n lang dag.

General Notes:
Die vakansie was AWESOME!!

Nuwe plekke gesien. En nee vir die wat gewonder het, die gedeeltes van die Oos-Kaap waar ons was was nie droog nie. Actually pretty wet. En groen.

In totaal was die musiek nie te sleg nie. A3 moet net leer van verskeidenheid.

A3 is vol issues en A1 raak te ernstig partykeer. Maar verder is hulle lekker travelmates.

A3, ek dink ons moet saam gaan op jou Baz Bus trip.

Ride like the wind, Bullseye!!!
A2

DAG 6

Eerste op die lys was om die ander 4 museums in Graaff-Reinet te besoek. Onder andere, die militêre geskiedenis en die fotografiese geskiedenis van die omgewing besigtig. Een van die uitstallings in die museums gaan oor die teling van merinos in die area. Een van die skou ramme het 40 lb wol in een jaar gelewer. Hy het daai jaar ook sy nasionale kleure verwerf in wolgroei.

Ek het die dag bestuur. A1 was meer gekalmeerd gewees oor die bestuur vandag. Van Graaff-Reinet het ons in die rigting van Nieu Bethesda gegaan om die Uilhuis van Helen Martin te besoek. Die pad vanaf die N9 na die dorp is hulle besig om te teer en het baie mooi views oor die berge en valleie.

Die dorp self het net grond paaie. Die Uilhuis is 'n moet sien vir enige iemand. Daai tannie was weird gewees, jong! Na die dood van haar ouers het sy haar ouerhuis begin omskep in haar droomhuis. Die tuin is vol sement standbeelde van uile, kamele, mensfigure, buddhas, sfinkse met neuse (Obelix was nie hier nie) en natuurlik uile. Die enigste kleur in die tuin kom van die glasbottels wat gebruik is vir die oë van die standbeelde. Hier en daar is daar darem een wat geverf is, maar die meeste is net rou sement.

So bleek soos die buitekant van die huis is, so kleurvol is die binnekant van die huis. Sy het gemaalde glas met verf gemeng en alles binne bereik geverf, selfs die dak. Een van die slaapkamers is groen, die ander een in skakerings van rooi en pers. In die eetkamer het sy oor die muurpapier geverf. As jy dan reguit vir die muur kyk sien jy die muurpapier, maar kyk jy skuins sien jy gemaalde glas.

Die plafonne is ook geverf in allerhande patrone. Hier is die meeste kleure gebruik. A1 het 'n poskaart vroeër gekoop van drie uile. Natuurlik wou sy toe 'n foto van die drie uile hê. Was dit nou 'n mission gewees om die drie uiltjies te kry? Met die kry van die uile, wou sy nou natuurlik 'n foto neem vanaf dieselfde hoek. Met die was daar nou weer 'n gesukkel gewees om die regte hoek te kry vir die foto. Uiteindelik was sy suksesvol gewees.

Terug na die N9 om tot by vannaand se slaapplek te ry, Gariep Dam. Die dorp nie die actual dam nie. Hier is ons digs weereens 'n huis met drie slaapkamers met slaapplek vir tot 8 mense. Als vir ons drietjies. A3 was net baie ongelukkig omdat hy nie die rugby kon kyk nie. En soos gewoonlik was A3 weer doodstil. Hy moet definitief nie agter in 'n kar sit nie, dan kry jy niks uit hom nie.

Up up and AWAY!!
A2

Algemene notas van A1 se kant af:

Ons het baie weird mense in Graaff-Reinet ontmoet gedurende ons museum crawl. Toe ons begin het, het hulle onder die boom in hulle kar gesit en eet. Hulle is toe kort daarna weg. Toe ons weer terug kom by die kar is dié twee terug onder die boom, aan die eet! Die museum wat die fotografie uitstalling gehad het, het baie mooi behoue negatiewes gehad. Glas negatiewes wat jy steeds kan gebruik. Baie nice.

A2 het darem nie vandag oor A3 se musiek gekla nie. Inteendeel, hy het ten minste een keer saam gesing en 'n ander saam gefluit. Dus was daar geen drama nie.

Oppad na Nieu Bethesda het ons 2 blou kraanvoëls in die veld gesien. Dit was regtig great. Ons het ook 'n paar swart springbokke oppad na Gariep Dam gesien.

In Colesberg het ons die local drunk ontmoet. Dit oor A's 2 en 3 besluit het hulle soek rooiwyn vir die aand. Dit was scary!

A3 het vleis gebraai vannaand. Hy moes so 'n bietjie (ek jok, hy moes baie) gekompeteer met A2 se konstante kommentaar oor sy vuurbou en braai vernuf. Gelukkig het ons eindelik vleis gekry.

Nou oppad huis toe
A1

Captions deur die awesomlikke A3 (Cause I is awesome!)

Ons Crazécow DVD van gisteraand. (Spesiaal opgelaai as aanvulling by ons reeks van skuinskoeie...)

As mooi opgelet word sal daar ook gesien word dat die Crazécow op die kassie ook 'n skuinskoei is!! LOL

Miss Ellen Martin se uilhuis kat. (In Nieu Bethesda)

Nog uile in die uilhuis. (Michelle se uile)

Nieu Bethesda kerk.

My (A3) Legen-wait for it-dary gepakte vuur!!

A3 se view:

Ek het die week besluit dat museums wel interessant is, maar eintlik net depressing is...  Almal en alles wat daarin gewys word is dood en vergane.  Wat vir my meer interessant is in museums is foto's wat gewys word van al die mense van die verlede.  Ek kyk eerder in diepte na almal wat in 'n foto gewys word as wat ek na ou kleredrag of instrumente moet kyk.  Mense is soveel meer interessant.  In die fotografie museum was daar die arme klein tannietjie gewees wat 'n groot liking in A1 geneem het... Ja die arme tannie het heeltyd net met A1 gepraat en alles net vir haar vertel.  Sy het ook vir A1 haar krale uitstallinkie gewys en ek moet bieg, want toe ek hoor die vrou wil dit vir haar wys het ek vinnig anderkant toe gehol om nie ook in daardie situasie ingetrek te word nie waar jy voel jy moet nou kyk.  Maar anyway!! 

Ek was seker effe bedonnerd en kort van draad gewees vandag maar dis niks wat Hunters en Rooiwyn nie kan regmaak nie.  Ja ek het in my poging om die rugby, wat vandag plaasgevind het, te kyk misluk.  Na ure se beplanning om betyds by die akkomodasie vir vanaand uit te kom en keer na keer se kyk na die padkaart het ons by die verblyf aangekom om uit te vind dat ons die mees kompakte DSTV "package" moontlik het.  Letterlik SABC 1, 2 en 3, ETV, Magic World en Soweto TV.... Ek meen regtig, Magic World en Soweto TV... Wie de hel kyk dit ooit!!!  Toe sit ek met my Hunters en pak chips wat ek spesiaal gekoop het vir die rugby.  Die items was toe maar verbruik terwyl ons Scooby Doo op SABC 2 gekyk het vanmiddag.  Ja dit is so hartseer ek het amper gehuil!

HAHA! Die so called drunk van Colesberg het vir A1 'n volle omhelsing gegee!! LOL hy het vir my en A2 gegroet met die hand en toe haar genader met 'n drukkie en as jy vir haar ken sal jy weet dat dit 'n taboe is in haar wêreld en dat sy jou sal begin aanval met goed as jy dit probeer.  Gelukkig het sy dit so koel soos 'n komkommer gehanteer en maar saamgespeel en die pervert omie situasie goed hanteer.  Dit is seker omdat sy al goeie ervaring het om sulke tipe omies te hanteer, naamlik een van ons pervie dosente op kampus! LOL

Maar toe beweeg ons (ek) aan en gaan pak my most awesomelikke vuur!  A2 het natuurlik baie kommentaar gehad op my manier van kole pak en vuurmaak (alhoewel ek baie op syne ook gehad het).  Maar ek glo dat hy net jaloers was, want ons albei weet myne was baie meer superior en mooier en baie meer kreatief!!! Muhahahahaha!!  Ons vleis wat EK gebraai het was heerlik alhoewel 'n gedeelte van my vleis effe taai was.

Ons het toe How I Met Your Mother gekyk op die laptop terwyl ons die bottel rooiwyn klaargemaak het, ons kan mos nie ekstra bagasie saamry môre nie!!  Dit WAS baie snaaks gewees!  Nou moet ons nog ten minste een epsiode SUPERNATURAL kyk en dan mag ons gaan slaap! (Ja ek het so besluit en die ander het geen keuse nie).  Ons sal seker eers môre by die damwal 'n draai gaan maak en dan huiswaarts keer!!

So vir die laaste keer:
Cool Beans!!
A3

DAG 5

Vanmôre het weereens met 'n view begin. Die son het geskyn en die panorama wat voor ons hut gelê het was pragtig. Na oggendete was dit 'n gepak, 'n ompad om die sleutels in te gee (in 'n poging om die hogmen te vermy) en 'n trip af teen die berg. Ons het nogal 'n paar beeste op die pad gekry. Hulle is ietwat van 'n hazard.

Ons het ons pad toe na Graaff-Reinet gevind. Dit was nie 'n te lang pad nie, maar ongelukkig het ons nie veel gevind om te doen oppad nie. Dit was maar bra eentonig. A3 is ook baie teleurgesteld in Somerset-Oos. Hy het oorweeg om daar te stop totdat hy die plek gesien het, toe ry hy maar deur in die hoop dat Graaf-Reinet beter lyk. Dit doen.

Ons het eindelik om 10:57 oorgeslaan na ons tweede folder musiek, dus is ons terug na A3 se smaak. A2 het darem nie hierdie keer 'n keel opgesit nie. Die verandering van groen na Karoo was nogal duidelik. Elkeen het darem hul eie mooi.

Vannaand se "digs" (ons het hierdie woord in Rhodes geleer) is 'n huis, ja, 'n hele huis vir net die drie van ons. Elkeen het sy eie kamer (met twee beddens in). Dit kos ons nie eens 'n fortuin nie en dis regtig mooi. Dit is een van die menigte huise hier wat Nasionale Monumente is, die bordjie is op die muur. Daar is so 'n paar reëls tenopsigte van die plek. Ons het dit nogal geniet om die hangeskrewe notas oral te vind. Hulle was nogal amusant.

Die NG Kerk hier is waarlik pragtig. Ons is ook deur die Reinet huis en gaan seker môre die ander 4 museums gaan besoek voordat ons, ons pad uit hierdie dorpie uit vind.

Ons het so vroeg hier aangekom (omdat daar niks was om by stil te hou nie) dat ons besluit het om die dorp te voet te gaan sien. Dit is waarlik aan te beveel. Wees net gewaarsku dat as dit lyk asof dit gaan reën moet mens vinnig huis toe draai anders is jy sopnat. Ons praat uit ondervinding uit... ons was sopnat.

Die vroeë aankoms hier het gemaak dat ons besluit het om 'n dvd uit te neem en te kyk. Die dvd winkel is die Crazécow ...

En ma's, wees trots op ons, ons het eindelik vandag behoorlik kos gemaak, vleis EN groente. Ons het baie moeite ingesit.

En laastens; het julle geweet dat die bier in 1880 6p gekos het in Graaf-Reinet...

Lekker lees
A1

Captions deur A2

Platform van die boomhuis (15 m op)

Klim na die boomhuis (1ste leër)

Spot the mistake

War memorial (1ste World War) 

NG Kerk te Graaff-Reinet

Ons huisie

A3 se view:

Vir eens het ek min om te sê.  Lyk my elke backpackers het hulle reeks honde en al daardie honde is baie interessante kreature.  Away with the Fairies het so paar gehad wat rondgedwaal het maar vanoggend net nadat ons die sleutel ingehandig het en terug kar toe moes hike toe daag ene op wat ek nog glad nie gesien het nie.  Hy hardloop toe all smiley na ons toe en nadat ek hom so hallo sê rugkrap gegee het het hy al die pad saam met ons gedraf so asof om ons te groet en te inspekteer dat alles reg is.  Baie interessant....

Die pad was lank en slegs Graaff-Reinet was interessant.  Die kerk soos gesien kan word lyk awesome en die wolke het ook mooi saamgespeel vir 'n great foto.  Dit lyk my dat my post van gister iets van êrens opgejaag het want vandag het ons al drie nat geraak.  Let wel nie in ons swemklere nie maar in ons gewone klere.  Oppad terug huis toe...  Dit was actually lekker.  Die verblyf is baie cool vanaand vir 'n hengse bargain.

Net om op 'n random noot te eindig:  Dit wil voorkom vir my asof my arms al 'n tan gevang het, wat baie vreemd is. :-D

Cool beans!
A3

DAG 4

Die môre het begin deur pap te eet by die Oak Lodge in Grahamstown terwyl ons Speedracer gekyk het.  Ons het daarna gegaan vir 'n stappie deur die Rhodes University se gronde, let wel die eerste dag sonskyn vandat ons van Aliwal Noord af gery het.  Lyk my al die universiteite in die land is net oop vir almal behalwe Tukkies.  Maar natuurlik kan daar ook gesê word dat nie alle universiteite in die land 'n awesome plek soos Sunnyside het wat so te sê teen hom grens nie.  Rhodes se gronde is nogal baie mooi en hulle het ook nice ou geboue maar Tukkies bly cooler!!  Ek meen Rhodes se kleur is pers en hulle mascot 'n rot... Enough said.

Ons was toe onmiddelik uit na Hogsback om so veel moontlik daar gedoen te kry in die tyd wat ons het en het teen half twaalf hier aangekom.  Ons bly in Away with the Fairies Backpackers in "Lord of the Rings land".  Die kamer waarin ons bly se naam is Samwise's Rest (die irriterendste karakter in die storie...).  Ander kamers kan in gebly word soos Gimli's Rest, Legolas' Rest en Gandalfs' Rest... Ja hulle is heeltemal behep met Lord of the Rings hier in Hogsback, daar is selfs 'n Middle Earth Nursery... 

Away with the Fairies is weereens 'n awesome backpackers met baie nice geriewe, hulle het so dam tipe swembad wat bietjie septies lyk na al die reën wat hulle hier gekry het, 'n baie baie hoë tree house waarteen ons uitgeklim het vir sundowners en waarin ons gesit en swaai het saam met die boom in al die winde, baie hiking trails, 'n bad wat oor 'n huge afgrond of viewpoint oor uitkyk en 'n awesome bar/lounge area waar hulle die LEKKERSTE pizzas vir gaste maak. 

Ons het vanmiddag vir 'n hike gegaan na die "Big Tree" toe, dit het ons omtrent so 2.5 ure gevat boom toe en terug, deur die woude.  Dit was alles moist en slippery en A2 het vir hom 'n klein plasie gekoop...  Hy loop mos so vinnig sonder om te kyk waar hy trap!  Ons het die Big Tree bereik en toe weer terugegaan met dieselfde pad want al die ander paaie is toegemaak.  Daarna het ons besluit om te ry om na die watervalle te gaan kyk aangesien sonskyn min geraak het.  Ons kon toe ook net na die Madonna and Child Falls gaan kyk het want weereens was daar paadjies toegemaak.  Dit lyk my ook dat die vakansie doomed is want eers laat die weer dit nie toe dat ek in die see mag swem nie en dan mag ek ook nie in die waterval poele swem nie want jy kan nie daar uitkom nie want die paaie is toe.  Ek sal maar my swembroek aantrek en in die bad gaan sit sodat hy maar ten minste eenkeer nat kan word.  Daar is ongelukkig een ding in Hogsback wat die ervaring versuur.  Dit is honderde mense wat bedel en vir jou gekerfde hout varke wil verkoop.  Hulle is amper soos die seemeeue in Finding Nemo wat heeltyd "mine mine mine" skreeu vir al die visse, die mense skreeu net heeltyd "R2 R2 R2 I give you this pig..." Hulle hardloop sommer in die middel van die pad in as jy aangery kom en wys hulle varke vir jou, en nadat jy al vyf keer gesê het "nee" en "gaan weg" hou hulle aan! Donners irriterend!!!! Een het ons selfs huistoe gevolg, dis so RANDOM!!

Ons het die aand deurgebring in die lounge en bar van die backpackers waar ons van die awesome pizza geëet het, so yummy, en Hunters en Creme Soda gedrink het en Hangman gejol het.  Daarna moes ons in die donkerste donker woud nag na ons huisie toe gestap het met net my Maglite tussen die drie van ons, glo my dis so donker dat as die flits afgesit word kan jy nie eers die persoon wat langs jou staan effens sien nie.  Dit was nogal cool maar daar het 'n torgogga in my oor in gevlieg en toe skrik ek so bietjie.... :-D.  A2 het iemand raakgeloop in die backpackers wat hy ken van Alberton wat in dieselfde skool was, dit was effens random.

Ietsie snaaks om almal mee te los vanuit die Coast to Coast boekie:
What is the definition of a monkey bath?
A bath so hot that when lowering yourself in you go: 'Oooh oooh oooh ah ah ah!'

HAHAHA!!

Cool beans!!
A3

Captions by A2

Rhodes se Admin gebou

Padkoei!!! (op 'n blinde draai pas)

 (En ja ons kan sien dis nie 'n koei nie. Padkoei klink net beter)

Vannaand se "digs"

Bad met 'n view

Madonna And Child Falls

Uit die oogpunt van A1

Ek is vanoggend uit die kamer uit gejaag, so ek het die sonnige oggend by die tuin meubels spandeer. Dit was nie waarlik 'n straf nie. Ek moet sê; die paaie tot en met nou was redelik goed in die Oos-Kaap (Vrystaat beslis UITGESLUIT!). Die STUPID hobbels in Fort Beaufort was net regtig 'n pes. En daar was nog ook so baie!

Ons "digs" is baie cool vannaand; die badkamer het 'n deur! Ons is in any way so moeg niks anders as dit maak saak nie. Ek is net bevrees dat hierdie plek van so 'n aard is dat A3 weer sy 101 inspeksie gaan doen. Beslis na die torgogga episode. Ek is amper uitgeneem in daai episode. Ek was baie naby (natuurlik, die flits gooi nie 'n baie wye ligkol nie) toe hy begin gil en klap. So close! Dit was darem nie all bad nie. Ons het 'n gloworm op die pad gesien. A2 het in die donker probeer weg sneak met die flits, maar gelukkig het A3 hom gesien/voel/hoor. Hy het vinnig 'n stop gesit aan daai nonsens!

Die paaie in hierdie crazy plek is vol van gate en almal is gevul met water, so my arme kar het deurgeloop. Alles is natuurlik ook grondpad. Hogsback moet dalk daaraan dink om sy paaie, toeriste aantreklikhede en staproetes beter uit te merk. Mens kan hier (ons het amper 'n paar keer) verlore raak, al is die plek so klein.

A3 het so 'n bietjie senuweeagtig geraak bo in die boomhuis toe hy uitvind dat die boom wieg wanneer die wind waai. Die feit dat non-ingenieurs, backpacker hippies, die boomhuis gebou het was seker die ding wat die meeste op sy senuwees gewerk het (hy het dit oor en oor herhaal, dis hoekom ons weet).

Happy days
A1

Comments

Almal is welkom om te comment. Dan weet ons darem wat julle dink van ons kaskenades.

Ons wag in spanning.
Die A-span

DAG 3

Vandag het begin in ons huisie by die see. Dit was dag. Ek het vandag bestuur. A1 het net heeltyd geys vir haar kar. Eers by Friesland gestop vir milkshakes en roomys (vir my). Dankie vir die verwysing Nig. Daai plek was awesome!!!

Al met die kus langs gery in die rigting van Port Alfred. Vir A3 by Kidds beach gestop. Tot sy groot onsteltenis was dit weereens vandag bewolk. Kidds beach het van die beste gety poele, met pers, pienk en rooi sea urchins. En 50 cm seewiere.

Van daar het ons Port Alfred toe gegaan. Eers by die Groot Vis rivier ligtoring gestop. 10 min op grond pad. Ons het skuinskoeie (def 1) gesien!!! En 'n skilpad. Teen die trappe op tot bo om die uitsig te sien oor die hele kus.

Port Alfred is 'n oulike klein rivier/see dorpie. Weer kon A3 nie swem nie, daar is nie regtig swem strande in Port Alfred nie. HaHaHa. By die Spur wat in die Marina is, middagete geëet.

Terug op die pad het ons binneland toe gedraai na Grahamstad. Eers by die GROOT pynappel op Bathurst gestop. Hy het so bietjie muf op. Toe was dit oor die berge na Grahamstad.

Hier aangekom, het ons uitgevind dat The Old Gaol Backpackers, die gekose slaapplek vir vannaand, toe gemaak het. Toe was dit rondry in 'n vreemde stad in die traffic om blyplek te soek. Geen plek is ordentlik gemerk nie en meeste plekke is vol of duur. Gewoonlik altwee.

Eindelik het ons afgekom op die Oak Lodge, in die soektog na Settlers Cottages. Beide bekostigbaar en beskikbaar. Seker so 30 min voor die skryf van vannaand se post het ons uitgevind dat die backpackers net geskuif het en nie toe is nie. Yeah!!

Môre se post sal moontlik uitgestel word weens tegniese moeilikheid (Hogsback het dalk nie wireless internet opvangs nie). Sal dan wel die volgende dag gedoen word.

ThThThThat's all folks!!

A2

Alle onerskrifte vanaand deur A1.

Kidds beach se gety poel. Die rotse het die mooiste lewe op. Al die mooi kleure!

Die skuinskoeie op die rowwe grond pad oppad na die ligtoring.

Ons by die ligtoring. A1 het hierdie foto geneem!

Ons by die pynappel (A1 het weereens die foto geneem). Dit was bitter koud bo by die pynappel se blare, maar die pynappel velde het baie mooi gelyk.

Ons slaap plek vanaand. Let op dat die stort geen deur het nie. Watter pret vir A1! Die ander twee is weg gestuur om die kos gaar te kry by die braai sodat A1 skoon kan kom.

Op hierdie stadium vermaak A2 homself deur vir A3 te vra wat elke squeak en squeal beteken terwyl A3 stort. Die gordyn is ook besig om A3 te molesteer.

A3 se kommentaar:

Strande wat ons besoek het was awesome, alle strande is....  Oppad na oral is die Oos-Kaap groen en mooi, en ekt besluit ek hou baie van Oos-Londen en Port Alfred, dalk moet ek kyk of ek in P.E. kan gaan werk.  Die pynappel was interessant, A1 was oor die pynappel soos ek oor die see is.... dan sê hulle ek is weird...  In die area van die pynappel was daar baie norse en prickly ou engelse tannies, dink dis dalk iets te doene met al die prickly pynappels. 

Grahamstad sal ek klasifiseer as die Stellenbosch van die Oos-Kaap.  Dis net so mooi en interessant hier.  Hulle moet net werk aan hulle information centres en verblyf bordjies.  Sien baie uit na môre want Hogsback klink baie cool en aangesien ek nie in die see kon swem nie gaan ek my bes try om in die waterval poel te gaan swem!!  Ons gaan môre probeer bly in away with the fairies backpackers in Hogsback en hulle noem hulle kamers na die karakters vanuit Lord of the Rings, want die area daar lyk glo soos middle earth en JRR Tolkien het daar tyd spandeer.

By the way, ons het nog al drie ons ore en het nou al van Aliwal Noord, Oos-Londen en Grahamstad se water gedrink...

Cool Beans!!
A3

SUGAR SHACK!!

Die post is om meer te wys van gisteraand se verblyf by die Sugar Shack.  Dis 'n baie lekker en skoon plekkie.

Die toring van die local hond met die rusbank word gewys, die buite toilette en die huisie waar ons gebly het!! Is nou oppad na die Giant Pineapple!!!

DAG 2

Vandag het begin opsoek na A3 se begin (ongelukkig moes ons seker eers die moeder gevra het voordat ons net blindelings ingeval het), ons was onsuksesvol. Daarna het ons 'n poskantoor gaan vind in Jamestown (seker die kleinste dorpie met die mooiste, en skoonste, sypaadjies).

Queenstown was die volgende stop. 'n Verskriklike bedrywige plek, hoor. Dis net padwerke en traffic. A3 het veters gekry en ons het van kerk na kerk gestap. Dis nou een dorp wat nie 'n kerk tekort het nie! Ons het die goedkoopste museum teëgekom daar. R2! Vir volwassenes! En die plek was nie te sleg nie. Die poskantoor was regtig pragtig, binne en buite, dit is ongelukkig net so 'n bietjie vervalle.

Gelukkig rondom 9:03 het die musiek oorgeslaan van A3 na A1 toe en êrens laat in die middag na A2 toe. Geen meer complaints!

Eindelik dit toe na Oos London gemaak, baie vroeër as gister. A3 het soos 'n klein meisietjie tekere gegaan toe hy die see gesien het en het homself amper papnat gemaak soos hy in die see baljaar het (met al sy klere aan). Sugar shack is ons tuiste vir vannaand. Ons het 'n 4 bed kamer en A3 worry so 'n bietjie, want A2 gaan bo slaap. Ons het die selekant in die museum gaan besoek en as mens moet kyk hoe A3 gehardloop het, het ons amper binne die museum geslaap! Ons het 'n stappie by die strand af geneem (verskriklik mooi). Beide A2 en A3 het mooi gehelp met skulpe soek vir die klein A1.

Ons het die aand afgesluit met 'n heerlike ete by die A2 familie (niggie en verloofde). Baie dankie vir die gasvryheid!

En so vir die volgende dag
A1

(Foto captions deur A3)

Misterige pas tussen Jamestown en Queenstown.

Die baie cheap R2 museum in Queenstown.

Die wel bewysde vriendelike N6 borde wat oral op die N6 tesiene is (L.W. slegs "friendly" na Aliwal Noord)

Skuinskoei ...

Baie happy A3 (want ons is by die see) en die not so impressed A2, op arrivering by die see.

Die Sugar Shack (Vind ons huisie, ons belowe hy is daar, erens tussen die bosse...).

Die dag vanaf A2 se oogpunt:

Soos ons die Penhoek pas bestyg het, het die mis ons oorval. Met die afkom slag het ons die son aan die anderkant van die berge gelos en wolke het ons die res van die pad vergesel. 'n Grou see het ons in Oos London begroet.

Die museum in Queenstown het een van die beste vlinder en mot versameling wat ek nou al gesien het.

A3 se paranoia rakende kreepy crawlies dwing hom om elke bed 'n 101 punt inspeksie te gee.  Die bed word van alle kante af geinspekteer voordat dit goed genoeg is vir slaap.

 Skuinskoei s.nw. 1. koei wat teen 'n skuinste wei, 2. biltong wat skuins gehou word.

(definisie is nog Under Construction)

Dankie aan N en J vir die lekker kuier. Dis nou julle beurt!!!

To Infinity and Beyond!!!

A2

Die dag vanaf A3 se oogpunt:

Laat ons dink laat ons dink... Die mis op die berg was cool, ek het bestuur, ons lewe nog, dus is ek awesome....  Jamestown was boring tog baie skoon, daar was 'n kerk met gebreekte vensters. 

Ek het geleer dat Queenstown het geen tekort aan kerke nie, soos rerig!! O ja en dat die cheap museum 'n funky smell het aan hom, ons plaas dit tussen 'n verf en 'n mif reuk.  Dis dalk hoekom hy so cheap is!!  Die skole in Oos-Londen is huge en fancy, die kinders gluur jou aan met stink attitudes.  Dus kom ek tot die slotsom dat in die Oos-Kaap gee die mense net om oor twee goed: kerke en skole...  Hulle prioriteite is seker maar reg.

Ooh die see was awesome!!!!!  Ek het lekker gebaljaar in die water terwyl A1 en A2 veilig vanaf die seewater gebly het want dis glo te koud.... Wel tenminste te koud vir A1, want A2 skrik nie vir koue water nie wat my laat wonder wat die see aan hom gedoen het dat hy so ver weg bly.  Ek het in die water gejol, duine afgegly, skulpe opgetel vir klein A1 en oor die rotse geloop.

Die Sugar Shack is awesome! Ons het die beste seaview, tussen die bosse! Hier is twee toilette wat buite sit met interessante stories agter op die deur.  Als is baie skoon en cool.  Daar is 'n lounge bo die kantoor met 'n dodgy looking kombuis, tog skoon en bruikbaar.  Daar is ook 'n torinkie naby die lounge wat uitkyk oor die see met twee rusbanke op, as jy opklim en probeer sit sal jy uitvind die local hond gebruik een as sy official chill spot... Dis 'n cool hond!

O ja ete was baie lekker! Tortillas met hoender, bacon, kaas, guacamole en cream cheese plakkertjies... (ja figure dit self uit).  Dankie aan A2 se niggie en niggie se verloofde!!

Wel ek moet my bed gaan inspekteer vir goggas  en nog gaan stort, dis baie laat en eks moeg.

Cool beans!

A3



DAG 1 (A2 se weergawe)

Die dag het vroeg begin(6h). En weereens was die ander 2 in die A span al weer te vinnig ongelukkig as hulle my nie in die hande kan kry nie.

Pad was lank, baie fotos is geneem... te veel fotos is geneem na my sin. Ek is gedelegate tot assistent omdat ek nie wil fotos neem nie.

Plus punt is die vreeslike posisies wat ingeneem word om die 'perfekte' foto te kry (Soos A3 wat die kanon 'Tant Tibbie' straddle)

Ry/stop padwerke het die ons so bietjie vertraag, maar ons het hier aan gekom.


As die musiek nie gou verbeter nie gaan iemand seer kry...

Hi Ho Silver Away!!!!!!!!

A2

DAG 1

Die dag het baie vroeg begin teen 5 uur die oggend en teen 6 uur was A1 en A3 al oppad na Alberton.  Ongelukkig was A2 alweer onbereikbaar op sy selfoon vroeg in die oggend en moes A2 se ma ons help met die regte adres.  Op die langpad het ons besef dat net A3 se musiek eerste gespeel word van de hele mix tot groot ontsteltenis van A2, alhoewel A3 nie veel gepla was nie omdat hy al Pietermaritzburg toe en terug moes gaan op net A2 se musiek....  Ja payback is 'n bitch!!! lol.  Wel ons trek nou op liedjie nommer 105 van A3 se musiek en A1 s'n volg binnekort.

Op ons tog in by Bloemfontein het ons die 2010 dekorasies ontdek en moes eers 'n paar foto's geneem word.  A1 was vinnig op haar pos as professionele fotograaf en het vinnig op die goed neergesak om als af te neem, terwyl sy baie naby aan 'n baie besige pad (met haar rug na die karre) stap.... terwyl sy vroeër die oggend die padveiligheidsbord waargeneem het net buite Johannesburg.

Middagete was by die Nasionale vrouemonument op die gras (panini's van Pick n Pay).  Foto's was geneem en snaakse posisies moes ook dalk ingeneem geword het op soek na die most awesome foto...

Padwerke het ons vertraag oppad na Aliwal Noord, maar het tog uiteindelik daar uitgekom.  Verblyf by Welgemoed chalets oorkant die warmwaterbronne gekry en die vrou van welgemoed het ook vinnig gesê dat die warmwaterbronne vinnig agteruitgegaan het, ek dink sy wou net nie he ons moes nie na die kompetisie toe gegaan het nie....  Aandete in 'n regte Pub gehad langs die oranje rivier.  Ons sal maar moet wag tot môre om uit te vind of ons nog ons ore het nadat ons gedurf het om die water te drink....

Môre se beplanning is om tot Oos Londen te gaan (WOOOHOOO DIE SEE!!!!! A3 is awesomely opgewonde!!!).  A1 en A2 deel nie in my malgeid oor die see nie maar ek is seker ek sal hulle kan vorseer om te gaan swem soveel as moontlik....

Tot môre en cool beans!!!
A3

(A1 doen al die captions vannaand)

Ingang tot die Rose Stad

Afskeid (Vroue Monument)

Die Vroue Monument gesien vanaf die naby geleë koppie

A3 wou opsluit die loop van die binnekant af neem!

Die tweede probeerslag, A3 was te stadig die eerste keer. Die slaapplek vir die nag is in die agtergrond.

Ingang tot Bloemfontein.

Nag voor die groot trek

Dit is die aand voor ons groot roadtrip na die Oos-Kaap.  Hopeluk is A1, A2 en A3 al klaar gepak.  Wel sover ek weet is ek (A3) al klaar maar nou begin paranoia insak en wonder ek heeltyd of daar iets is wat vergeet word.  Ek het 4 items wat gepak moet word maar weet sommer al A1 en A2 gaan verseker probleme hê met daardie hoeveelheid....  Verder, niks veel om al te vertel nie, hopeluk is daar teen môre aand die tyd baie stories om te vertel.  Ek is seker dat A2 saam met sy conscience en court jester, albei figments van A2 se imagination natuurlik, 'n dag vol weird gebeure en interessante stories sal oplewer.  Net tyd sal leer!! Tot môre aand!

Cool beans!
A3