Swazi/KZN - Dag 10

Vanoggend het rustig begin met lieflike sonskyn weer. Ontbyt by die Wimpy in R-bay (dis ‘n ding, apparently). Nou nie my gunsteling nie, maar eetbaar. Direk na ontbyt is ons terug Alkantstrand toe om roomys op die strand te gaan eet. Terwyl ons ontbyt genuttig het, het die weer begin draai. Dit het begin toetrek. Teen die tyd wat ons by die strand gekom het, was dit heel bewolk gewees. Lekker weer vir langs die strand tap, maar nie vir swem nie (arme A3!).

Al langs die strand afgestap tot by die punt. Ongelukkig soos enige strand is daar altyd nog ‘n punt in die verte, na jy by die punt gekom het. A1 en A3 het, soos gewoonlik agter gedrentel en allerhande goed op getel. Elkeen het met hande vol skulpe, jammer ek bedoel klippe teruggekom. Ek het ook ingegee tot my hoarding instinkte en met ‘n paar stukkies seeglas teruggekom.

 

Vanaf hawe na punt

Vanaf punt na hawe

Pad gevat van R-bay na Eshowe toe. Net so buite Eshowe het A3 vooruit gebel om verblyf te bespreek by Zululand Backpackers. Net om met ‘n skok uit te vind, dis net vir buitelanders. Besluit net daar dat aangesien dit hul houding is ons maar in ‘n ander dorp sal soek vir verblyf. In Eshowe is ons na die Dlinza Forest Aerial Boardwalk, om tussen die blare en voëls uit te hang.

Uitsig oor Dlinza Woud

Groot organismes van Dlizna

Klein organismes van Dlinza

Nie ‘n baie indrukwekkende boardwalk nie. Net ‘n 100 m of so se board walk, redelik hoog tussen die bome in, wat eindig in ‘n toring wat uit klim tot bo die blare dak. Wonderlike uitsigte oor die woud en die omgewing.

Van daar is ons op die langer(1.8 km) van 2 stap roetes (1.8 en 1.3 km) wat hulle ook in die woud het. Die roete is heel rustig tot die 2 roetes paaie skei. Die langer een gaan dan 2 keer deur ‘n stroompie en klim op en af teen die hange van die kloof. By die tweede river crossing is waar ek toe so bietjie grond gekoop het. Maar het nie eers modder op my gekry nie.

My eiendom in Dlinza

Na die stap deur die woud moes ek toe verblyf reël. Kry toe vir ons plek in die Golf View Lodge in Melmoth vir goedkoop met etes ingesluit. So dis ons laaste stop vir die roadtrip.

Fluit fluit, my storie is uit

A2

PS. Die tweede ergste ding onder die son is ‘n ginger. Die ergste is ‘n ginger in denial. A3 het vannaand soos ek die blog begin tik, geerken hy’s ginger. Alhoewel sy baard dit elke dag uitspel. – A2

PPS. Nie ginger nie – A3.

Thought of the Day